Kommuneplan - revisjon 2011

Kommuneplanen er det viktigaste dokumentet når det gjeld vidare utvikling av Austevoll kommune. Planen fastsetter kor det kan byggjast i kommunen og kva utvikling vi ynskjer oss. Austevoll kommune har store ambisjonar med den nye kommuneplanen og vil der leggje opp til sentrumsutvikling, meir bustadbygging i heile Austevoll, tilgong til sjø for austevollingane, friluftsområder tilgjengeleg for alle og fleire næringsområder for nye og eksisterande verksemder.

Austevoll kommunestyre vedtok 16. juni 2011 å leggje utkast til ny kommuneplan på lokal høyring. Innbyggjarane hadde frist 1. september 2011 med å koma med kommentarar og synspunkt på dette framlegget.

Prosessen vidare vert at etter fristen er gått ut vil kommunen sine politikkarar på ny gå gjennom planen og så leggje den ut på offentleg ettersyn som er prosessen der andre myndigheter som fylkesmann, fylkeskommune, vegvesen osv kjem med sine uttaler. Etter det vert det nye rundar der våre politikkarar må komme til semje med myndighetene før kommunestyret vonaleg i 2012 kan vedta den nye planen og den vert gjeldande.

Lykke til med lesing og diskusjon om kommuneplanen. Er det spørsmål så ta gjerne kontakt. e-post: han@austevoll.kommune.no telefon 55 08 10 10.

Helge Andre Njåstad
ordførar / leiar i utval for plan og byggesak