Dato: Tysdag den 7. februar

Klokkeslett: 18.00-20.00

Stad: Kantina på kommunehuset, Storebøportalen, Storebø.

Agenda

Målet med folkemøte for kultur er å synleggjera aktørane på kulturfeltet, og bruka anledninga til å danna eit felles råd – eit Austevoll kulturråd.

Kva er Austevoll kulturråd?

Austevoll kulturråd vil fungera som ein paraplyorganisasjon; ein arena som samlar aktørar, og andre råd og organisasjonar som arbeidar med kultur og kunst i kommunen.   

Austevoll kulturråd vil legge til rette for samarbeid mellom kommunen og eit samla kulturfelt.

Eit strukturert samarbeid mellom offentleg sektor og det frivillige- og profesjonelle kulturfeltet er eit godt utgangspunkt for å utvikla kulturfeltet. Noko som på lang sikt kan bidra til eit kulturløft i kommunen.

Austevoll kulturråd kan la seg inspirere av Austevoll idrettsråd sin etablerte modell for samarbeid med Austevoll kommune. Samarbeidsmodellen som idrettsrådet brukar legger til rette for blant anna:

• At rådet får ein kontaktperson i kommunen, både i administrasjonen og i politikken.
• Ein signert samarbeidsavtale mellom kommunen og rådet.
• Faste møter om b.la. arbeid med søknadar om interne og eksterne støtteordningar.
• Ramme for feltet sin bruk av kommunale bygg til sin verksemd.

På folkemøte for kultur tysdag den 7. februar kan eit samla kulturfelt drøfta disse punkta:

• Korleis oppretta Austevoll kulturråd?
• Rekruttering til oppstartsstyre (interimsstyre)

Kvar aktør på kulturfeltet er ein del av noko større, noko som har stor betydning for å gjera kommunen til ein betre stad å bu i, nemleg eit blomstrande kulturliv. Vi håpar at du vil koma på møte og bidra til å markera kulturfeltet i Austevoll kommune.