Austevoll kommune

Hektisk smittesporing i helga

Etter at eit smittetilfelle blei kjent på Storebø skule i helga, er mange personar i Austevoll blitt testa for Covid-19.

Ein gjekk breitt ut med ei miljøundersøking på skulen og i nærmiljøet. Så langt er 80 hurtigtestar negative og 36 pcr testar (vanlege testar) ventar på svar i løpet av morgondagen. 46 personar er sett i karantene.

Det er framleis ikkje avklart kva variant av covid-viruset som er påvist.

- Tilsette i skulen og i helsesektoren har gjort ein formidabel jobb gjennom helga, seier rådmann Bjarte Madsen, - dei har stått på og jobba hardt for å prøva å avgrensa smittespreiing.