Ingrid Danielsen Henriques tilsett som ny kommunalsjef for samfunnsutvikling
Austevoll kommune har tilsett Ingrid Danielsen Henriques som ny kommunalsjef for samfunnsutvikling. Ho kjem frå stillinga som folkehelsekoordinator i kommunen kor ho har vore i 3 år.
Publisert 29.11.2023 11.24
Sist endra 29.11.2023 11.24
Ingrid har master i Business Administration frå IFA Paris, Frankrike og bachelor i Internasjonale relasjonar som er ei brei utdanning innafor felt som statsvitskap, jus, politikk, sosiologi, økonomi og relasjonar. Ho har tidlegare vore dagleg leiar ved Vinmonopolet i 7 år før ho begynte i kommunen.
Konstituert kommunedirektør Thomas Martin Larsen er nøgd med å få landa tilsettinga. « Vi ønsker dyktige Ingrid velkommen i leiargruppa og gler oss til vidare samarbeid», seier han.
«Eg er audmjuk for oppgåvene som ligg føre og eg gler meg til å ta fatt på denne viktige stillinga for kommunen. Eg ser fram til å fortsetta samarbeidet med gode og flinke kollegaer i kommunen, våre politikarar og eksterne samarbeidspartnerar» , seier Ingrid. «Austevoll kommune står overfor store utfordringar i åra som kjem og eg skal bidra på best mogleg måte slik at vi når måla våre!»
Ingrid Danielsen Henriques
Austevoll kommune