Austevoll kommune inviterer til eit nytt folkemøte for kultur, onsdag den 12. april. Alle aktørar som er involvert eller engasjert i noko som har med kunst eller kultur å gjer er velkomen. Døme på disse er:
- Amatørar
- Profesjonelle
- Frivilligheita - lag og organisasjonar
- Styret i vel- og grendahus
- Ungdomsklubbar
Dato: Onsdag den 12. april
Klokkeslett: 17.00-18.30
Stad: Kantina på kommunehuset, Storebøportalen, Storebø.
Agenda
Målet er å samla aktørane på kulturfeltet for å danna styret til Austevoll kulturråd.
Kva er Austevoll kulturråd?
Austevoll kulturråd vil fungera som ein paraplyorganisasjon; ein arena som samlar aktørar, og andre råd og organisasjonar som arbeidar med kultur og kunst i kommunen.
Austevoll kulturråd vil legge til rette for samarbeid mellom kommunen og eit samla kulturfelt. Eit slikt strukturert samarbeid mellom offentleg sektor og kulturfeltet er eit godt utgangspunkt for å utvikla kulturfeltet. Noko som på lang sikt kan bidra til eit kulturløft i kommunen.
Kvar aktør på kulturfeltet er ein del av noko større, noko som har stor betydning for å gjera kommunen til ein betre stad å bu i, nemleg eit blomstrande kulturliv.
Vi håpar at du vil koma på møte den 12. april og bidra til å stifta Austevoll kulturråd.