Frå juli 2018 gjeld EU sin nye personvernforordning (GDPR) også i Norge. Dette gir deg som innbyggjar nokre utvida rettar knytt til personvern.

Med GDPR får vi som kommune berre lov å behandle personopplysningar om:

• det er krav om det i lov eller forskrift
• kommunen skal sikre ei rett du har
• du har gitt klart samtykke til det

Når kommunen behandlar personopplysningar om deg, skal du alltid få vite kva opplysningar som blir behandla, kva dei skal brukast til, og når opplysningane vert sletta. Med den nye personvernforordninga har du rett til:

• at personopplysningane dine berre blir behandla for det formålet dei vart innsamla for
• å få innsyn i kva personopplysningar som blir behandla om deg og om ønskeleg få kopi av desse utlevert på papir eller digitalt.
• å få korrigert opplysningar som ikkje er korrekt
• å krevje at vi slettar opplysningar (gjeld ikkje opplysningar som kommunen etter lov plikter å behalde)
• å protestere mot behandlinga av personopplysningar (til dømes om formål eller vilkår ikkje lenger gjeld)
• å få tilgang til personopplysningane dine på eit strukturert, maskinlesbart og brukbart format. Denne retten er omtala som dataportabilitet i GDPR, men den gjeld berre når:
  • når behandlinga ikkje har rettsleg grunnlag
  • når utlevering er teknisk mogleg
  • for opplysningar du sjølv har gitt til kommunen gjennom samtykke eller kontrakt
  • for personopplysningar som blir behandla elektronisk

Meir informasjon om dei nye rettane dine finn du på nettsidene til Datatilsynet.

Ønskjer du å vite kva personopplysningar vi har lagra om deg, eller vil be om at vi rettar eller slettar opplysningar?

Møt opp hos Austevoll kommune, servicekontoret i 2. etasje på Storebø. Hugs å ta med legitimasjon.

Vi skal normalt behandle søknaden din innan 30 dagar.

Besøksadresse:

Austevoll kommune
Birkelandsvegen 2
5392 Storebø

I Austevoll kommune er det kommunedirektøren som er behandlingsansvarleg og han har difor det øvste ansvaret for personvernet.

GDPR krev at alle verksemder har eit personvernombod. Ombodet skal hjelpe kommunen å følgje regelverket, og er kontaktperson for deg som ønskjer meir informasjon om rettane dine.

Austevoll kommune sitt personvernombod er Lars Erling Aarland.

Telefon: 56 19 27 70

E-post: lars.erling.aarland@iktnh.no

Om du, etter dialog med kommune og/eller personvernombod, meiner at kommunen ikkje behandlar opplysningane dine i samsvar med personopplysningslova, kan du klage til Datatilsynet.

Trykk her for å gå til Datatilsynet sin side om korleis du kan klage.