Kommunestyret er etter kommunelova det øvste organet i Austevoll kommune, og fatter vedtak på vegne av kommunen så langt ikkje anna fylgjer av lov eller dette reglement.. Kommunestyret har 21 medlemmar som er innvalt for 5 parti. Dei viktigaste sakene skal behandlast av kommunestyret. 

Formannskapet er det nest høgste utvalet i Austevoll kommune og behandlar flesteparten av sakene som skal vidare til kommunestyret. Formannskapet har fullmakt til å behandle saker som er delegert frå kommunestyret.

Tenesteutvalet har mynde innanfor rammer fastsett av kommunestyret, lov og forskrift på område oppvekst og helse og omsorg.

Tenesteutvalet kan fatta vedtak i saker som er delegert frå kommunestyret.

Mynde til å ta avgjerd i alle saker som det etter plan og bygningsloven er høve til å delegere vert delegert til utval for plan og byggesak, med unnatak av det som er delegert til rådmannen.

Kontrollutvalet har ansvar og mynde som går fram av kommunelova § 77

Rådet er eit rådgjevande organ som skal medverka til at menneske med nedsett funksjonsevne blir sikra open, brei og tilgjengeleg medverknad i arbeidet med saker som er særleg viktige for menneske med nedsett funksjonsevne. Dette gjeld mellom anna tilkomst, arbeid mot diskriminering på grunnlag av nedsett funksjonsevne og tenester for menneske med nedsett funksjonsevne. Slike saker skal  leggjast fram for rådet i god tid før dei skal avgjerast. Rådet kan også sjølv ta opp saker.

Fråsegna frå rådet skal liggje ved saksdokumenta til det kommunale organet som endeleg avgjer saka.

(Jf. Lov om råd eller anna representasjonsordning i kommunar og fylkeskommunar for menneske med nedsett funksjonsevne/Råd for menneske med nedsett funksjonsevne).

Eldrerådslova §3 (Oppgåvene for kommunale eldreråd)

Eldrerådet er eit rådgjevande organ for kommunen.

Alle saksdokumenta skal leggjast fram for rådet i god tid før kommunestyret handsamar sakene.

Eldrerådet skal ha til handsaming alle saker som gjeld levekåra for eldre.

Eldrerådet kan sjølv ta opp saker som vedkjem eldre i kommunen. Protokollen frå rådsmøtet skal fylgje saksdokumenta til dei kommunale organ som tek endeleg avgjerd i saka.

Viltnemnda ivaretek kommunen sin ansvar etter viltlova.

Leiar av viltnemnda og sekretariatsleiar i samråd med rådmannen sin representant har mynde til å avgjera hastesaker som gjeld skadeløyver og kommunalt ettersøk.