Du kan bestille vigsling i Austevoll kommune ved å nytta det elektroniske skjemaet Bestilling av vigslingsseremoni i Austevoll kommune.

Før ein giftar seg må det vurderast om ekteskapsvilkåra er oppfylte. Dette blir gjort av folkeregisteret ved ditt regionale skattekontor. Deretter får du ein prøvingsattest som er gyldig i fire månader. Det vil sei at vigslinga må skje i løpet av desse fire månadene.

Sjå rettleiing på Skatteetaten si nettside: Ekteskap i Norge

Når prøvingsattesten er mottatt, kan den i orginal form leverast på kommunehuset eller du senda den i vanleg postgang til:

Austevoll Kommune
Birkelandsvegen 2
5392 Storebø
Merk: «Vigsling»

Har du mottatt prøvingsattesten i Altinn kan den sendas via krypert e-post til postmottak@austevoll.kommune.no

I tillegg til prøvingsattest må brureparet vise fram legitimasjon til vigslar på vigslingsdagen.
Godkjent legitimasjon er gyldig pass (ikkje naudpass), norsk førarkort og bankkort med bilete og personnummer.

I Austevoll kommune kan alle som får prøvingsattest gifte seg borgarleg.

I Austevoll kommune er følgjande personar oppnevnt til vigslarar:

• Ordførar Morten Storebø
• Varaordførar Anja Heggholmen
• Rådmann Bjarte Madsen
• Kommunalsjef Liv Margareth Østervold
• Kommunalsjef Jofrid Troland
• Kommunalsjef Ruth Larsen

Tilbodet er gratis i Austevoll kommune.

Kommunen tilbyr i hovudsak kommunestyresalen til seremonien og innanfor tidsrommet 08.00-15.00 måndag-fredag.
Om det er ynskje om anna tid og stad kan ein melde frå om dette til kommunen i bestillingsskjemaet. Kommunen vil då ta stilling til om ynskjet kan oppfyllast.

Vigslaren les opp tekst for borgarlege seremoniar. Dersom ein ynskjer andre ting som musikk, diktlesning, pynting, gjestar og liknande, må dette avtalast på førehand. Det er høve til å setja på ringar under seremonien, dette må også meldast frå om på førehand. Ringane vert sette på når vigslaren har erklært dykk for rette ektefolk. Vigslaren seier ifrå når ringane kan utvekslast.

To vitner må vere tilstades under seremonien. Dette kan vere forlovarane eller to andre myndige personar brudeparet har med seg. Til slutt underteiknar brudeparet, vitna og vigslaren vigslingsprotokollen.

Brureparet får tilsendt midlertidig vigslingssattest. Kommunen sender dette til folkeregistret som utstedar endeleg vigslingsattest.