Frå og med 15. april til og med 15. september er det generelt forbod mot å gjere opp eld i nærleiken av skog og mark i Norge. 

Enten du skal brenna bråte eller kose deg med grilla pølser på tur, må du hugsa på å vere forsiktig.

I Austevoll kommune er det berre lov å brenne hageavfall og reint trevirke. Alt anna avfall skal du levere til næraste miljøstasjon eller kaste i svart eller brun søppeldunk.

Brannvesenet oppfordrar til at hageavfall vert levert til næraste miljøstasjon.

Miljøstasjon Porsdalen

Dette bør du hugse på før du tenner opp:

1. Sjekk skogbrannfareindeksen.
    
2. Tenk på plassering av bålet. Nærliggande vegetasjon og bygningar, vindretning og vindstyrke kan ha stor effekt og føre til rask spreiing av brannen om du ikkje er forsiktig.
    
3. Det er du som brenn bål som har ansvar for branntryggleiken.
    
4. Ikkje brenn material som fører til gnistar, som for eksempel papir, bartre, lyng, einer, tørre blad og liknande. Gnistar aukar fare for brannspreiing over store avstandar.
    
5. Hald oppsyn med bålet så lenge det er tent.
    
6. Gå aldri frå bålet før du er heilt sikker på at det er skikkeleg slokna med store mengder vatn eller andre eigna sløkkemiddel.