Bestill situasjonskart og teikn inn forslag til nye eigedomsgrenser på kartet. Eit situasjonskart må innehalde påførte lengder og areal. Når du har teikna inn ønska omriss på situasjonskartet, skal dette følge søknaden om deling til kommunen.

Situasjonskart kan du skrive ut via Kartportalen  
Gardskart (relevant ved LNF- og LNF-spreidd bustad område)

Naboar og gjenbuarar skal gjevast nabovarsel. Naboar er eigar/festar av eigedom som grensar til din. Døme på gjenbuar er eigar/festar av eigedom på motsatt side av veg. (Byggesaksforskriften §5-2) (pbl §21-3). Naboar skal sende sine merknadar til deg, slik at du kan kommentere dei før alt blir sendt samla til kommunen.

Vent 14 dager for eventuelle nabomerknader, og send til kommunen.

• Søknadsskjema:
  Søknad om tillatelse til tiltak uten ansvarsrett  
  Rekvisisjon av oppmålingsforretning - Søknadspliktige tiltak 
   
• Nabovarsling blir råda gjort digitalt (søk etter nabovarsling på nett så finn du ulike tenester, eventuelt sjå DIBK nabovarsling)
• Eventuelle nabomerknader m/dine kommentarer
• Eventuelt søknad om dispensasjon
• Eventuell erklæring om rettigheter

Situasjonskart til søknad om deling må visa følgjande:

• ønska frådelt eigedom, målsett lengde og breidde, storleik på planlagt frådelt eigedom i kvadratmeter
• merking av ønska frådelt eigedom med parsell nr. (jf. søknadskjema). Dette er særs viktig om søknaden gjeld frådeling av fleire eigedommar
• planlagt trasé for tilkomstveg (fram til eigedomen)
• planlagt trasé for nye vass-/avløpsleidningar på eigen og nabo(ar) sin(e) eigedom(mar)
• tilknytningspunkt for vass-/avløpsleidningar
• utsleppspunkt og planlagt løysing for avløp skal visast om privat avløpsanlegg (sjø, heilårsbekk og/eller filteringsgrøft)
• omlag plassering av tiltaket     

Ved søknad om deling av ein landbrukseigedom, må søknad utan ansvarsrett fyst bli sendt inn til kommunen. Søknader i landbruksområde blir sendt på uttale til lokal landbruksmynde, og om vurdert naudsynt med med handsaming av jordlova §§ 9 og/eller 12, vil det gå fram som vilkår til godkjend delingsløyve. Om lokal landbruksmynde er negativ til søknad og ikkje ser at at det vil vere mogleg å få godkjenning etter jordlova, vil søknad normalt bli avslått.

Får du godkjend søknad på vilkår om godkjenning etter jordlova §§ 9 og/eller 12 skal du nytta søknadsskjema under:

Søknad om samtykke til deling og/eller omdisponering av landbruksjord finn du her.

Viss du har eit eller fleire konkrete spørsmål i forhold til tiltak på ein landbrukseigedom kan du ta kontakt med Stord/Fitjar landbrukskontor per telefon 53496600 eller e-post.

Sjå meir informasjon om deling av landbrukseigedom her. 

• Søknad blir handsama av byggesaksavdelinga etter plan- og bygningslova § 20-1, bokstav m, jf. pbl. §§ 26-1 og 27.
   
• Når løyve til deling er gitt, går saka til kommunen si oppmålingsavdeling for gjennomføring. Nokre gongar er det sett vilkår som søkar må oppfylla før delinga kan bli gjennomført
   
• Oppmålingsavdelinga utfører oppmålingsforretning. Eigarar av eigedommen og tilstøtande eigedommar får skriftleg varsel seinast 14 dagar før oppmålinga. Her vert eksisterande grenser avklart og nye, godkjente grenser påvist og merka
   
• Etter oppmåling og tinglysning får søkar tilsendt matrikkelbrev. Dette brevet gir ei fullstendig framstilling av eigedommen med koordinatfesta grenser

Ei deling av eigedom må bli godkjend av kommunen. Delingssøknad blir handsama etter plan- og bygningslova, og etter gjeldande plan i område, enten kommuneplan eller reguleringsplan.

I landbruksområde (LNF og LNF-spreidd) kan tiltak i tillegg løysa ut krav til søknad om samtykke til deling og omdisponering av dyrka eller dyrkbar jord.

Oppretting av ny grunneigedom i utbyggingsområde skjer i to trinn:

• Sakshandsaming etter innsendt søknad (vedtak om deling i samsvar med plan- og bygningslova)
   
• Vidaresending til og gjennomføring av oppmålingsforretning (grensepunktene blir oppmålt og merka, nye grenser blir registrert i eigedomsregisteret og nytt bruksnummer blir tinglyst).