Ei klarlegging av grense er verken ansvarsbelagt eller søknadspliktig og kan difor rekvirerast av heimelshaver/søkar.

Fyll ut skjemaet under og send til servicekontoret per e-post, post eller lever direkte til servicekontoret. Legg med situasjonskart som syna eigedommen og manglande grensepunkt.  

Skjema - Rekvisisjon av oppmålingsforretning (PDF, 226 kB)

1. Kartutsnitt der det er markert kva for grensepunkt som du vil ha kartlagt. Du kan til dømes markera manglande grensepinnar/punkt på eit situasjonskart. Situasjonskart over eigedommen din finn du under Kartportal.
2. Dersom eigedommen ikkje er innteikna i matrikkelkartet, må du sjølv teikna inn eigedommen på situasjonskartet.
3. I dei tilfella der det er eit firma som er eigar av eigedommen, må det leggast ved firmaattest av nyare dato.

Kommunen sjekkar rekvisisjon/søknad. Om det ikkje er feil i søknaden, vert saka vidaresendt til landmålar / Austevoll kart AS.

Før oppmålingsforretning

• Etter at Austevoll kart har motteke rekvisisjon/søknad vert varsel om tidspunkt for oppmålingsforretning sendt til rekvirent/søkjar og naboar til den aktuelle grensa
• Partane vert varsla seinast 2 veker før, om ikkje anna er avtalt
• Om andre møter i staden for dei som er kalla inn, må desse ha skriftleg fullmakt

Oppmålingsforretning

• Eventuelle grensemerke vert sett ned til erstatning for forsvunne merke eller punkt som tidlegare ikkje har vore merka
• Grensepunkt vert målt inn og det vert ført protokoll over kva som er klarlagt og avtalt ved forretninga
• Klarlegging av grense vert ført inn i Norges offisielle eiendomsregister/matrikkelen.

Etter oppmålingsforretning

• Det vert utarbeidd nytt matrikkelbrev for eigedommen etter klarlegging av grenser.
• Det nye matrikkelbrevet vert sendt til rekvirent/søkjar, involverte partar får kartutsnitt som viser ny(e) grense(r). Det er 3 vekers klagefrist frå mottak av matrikkelbrevet