Alle rekningar frå Austevoll kommune skal betalast til bankkonto: 3207.29.78322 som også er oppgitt på rekninga. Du må oppgje aktuelt KID-nummer for å sikre rask og korrekt behandling av innbetalinga di. 

Ved betaling frå utanlandsk bank må du bruke følgande bankadressekodar for å identifisere mottakar sin bank i Norge:

• IBAN-KODE: NO72 3207 2978 322
• SWIFT/BIC-adresse: SPRONO22 

Kvar finn du fakturaen din?

Privatpersonar:

Vi har følgande kanalar for utsending, i prioritert rekkefølge:

1. avtalegiro
2. eFaktura
3. Vipps
4. digital postkasse
5. e-post
6. papirfaktura

Ønskjer du å endre korleis du mottek faktura?

Då kan du sjekke innstillingane i nettbanken din.

eFaktura

• Sjekk dine aktive betalingsavtalar og innstillingar i nettbanken din
• Ver merksam på “Ja-takk til alle”
• “Ja-takk til alle” kan vere sett opp ulikt i bankane – sjekk banken din
• Har du betalt rekningar for andre kan du ha oppretta betalingsavtale for andre.

Trykk her for å lese meir om eFaktura.

Vipps

Sjekk innstillingane i Vipps-appen.

Les og:

• Kvifor mottar eg rekningar eller eFaktura i Vipps?
• Korleis slår eg av rekningar i Vipps?

Digital postkasse

Sjekk innstillingar i den digitale postkassen

• Digipost 
• eBoks

For næring/verksemder

Faktura blir som standard sendt i denne rekkefølgje:

1. EHF
2. e-post
3. papirfaktura

For å få faktura på EHF må økonomisystemet ditt vere oppdatert for å få tilsendt faktura på EHF, og du må melde verksemda inn i Elma og Aksesspunkt.

Trykk her for å lese meir om Elma og Aksesspunkt

Har du spørsmål om innbetaling av faktura?

Ta kontakt med rekneskapsavdelinga vår

• Telefon: 55 08 10 00 
• E-post: kommunekassen@austevoll.kommune.no        

Har du spørsmål om innhaldet i fakturaen?

Ta kontakt med fagavdelinga du har kjøpt tenesta hos.

• Spørsmål om vatn-, avløpsgebyr.
  Ring Austevoll vatn og avløp på 55 08 01 00. 
• Spørsmål om renovasjon- og slamgebyr: Ring SIM på 53 45 78 50.
• Spørsmål om feiegebyr: Ring Austevoll kommune på 55 08 10 00 og be om å få snakke med feiar.
• Spørsmål om barnehagefaktura: Ta kontakt med barnehagen til barnet ditt.
• Spørsmål om skulefritidsordning: Ta kontakt med skulen til barnet ditt.
• Spørsmål om praktisk bistand: Ring Austevoll kommune på 55 08 10 00 be om å få snakke med helseservicekontoret
• Spørsmål om faktura eller gebyr for andre tenester: Kontakt Austevoll kommune telefon 55 08 10 00

Faktura frå Austevoll kommune har 30 dagars forfall. Ved forseinka betaling får du eit purregebyr lik 1/10 av inkassosatsen fastsett i «Forskrift til inkassolova»

Austevoll kommune samarbeider med Intrum når det gjeld inkassovarsel (purring) og inkasso. Dersom ein faktura ikkje blir betalt i tide, vil vidare oppfølging av kravet bli gjort av Intrum. Når ei betaling er overført til Intrum for oppfølging, er vidare kontakt og betaling til Intrum.

Søk om betalingsutsetting på kommunale gebyr

Austevoll kommune ønsker elektronisk faktura i såkalla "EHF-format" på alle typar innkjøp og bestillingar. Her er viktig informasjon om kva som skal til for at verksemda di skal kunne sende elektronisk faktura til Austevoll kommune.

EHF er ei forkorting for Elektronisk Handelsformat. Ein slik faktura vert overført elektronisk frå seljar til kjøpar sitt økonomisystem.

Austevoll kommune nyttar Direktoratet for forvaltning og IKT (Difi) sin standard for elektronisk faktura. På denne måten blir vi meir effektive.

Her kan du lese meir om ordninga:

• EHF-standarden er forankra i Forskrift om IT-standard i offentleg forvaltning.
• Les meir om ordninga på nettsidene til Difi:  Om elektronisk faktura

Austevoll kommune sitt organisasjonsnummer er: 941 139 787

Kan ikkje verksemda di levere ein EHF?

Send faktura på e-post til kommunekassen@austevoll.kommune.no

Sender du faktura på denne måten, hugs å få med følgjande opplysningar:

• Firmanamn, organisasjonsnummer, meirverdiavgiftspesifikasjon, fakturanummer, fakturadato, forfallsdato, fakturasum, bankkonto, KID- nummer, ansvarsnummer og namn på bestillar.