Den som har behov for individuell plan, eller pårørande, kan søkje om individuell plan. Også helsepersonell kan varsle om behovet for individuell plan, men planen opprettast berre om brukar/foreldre/verje ynskjer dette.

Det er koordinerande eining på helseservicekontoret som har det overordna ansvaret for individuell plan i Austevoll kommune. Spørsmål og søknader om individuell plan rettast til koordinerande eining.

Du kan henvenda deg til kommunen for å få hjelp til å søkje om individuell plan, eller du kan be andre hjelpa deg dersom du har behov for det. Hvis ein annen søkjer på vegne av deg, må vedkommende ha fullmakt til dette.

Søknadsskjema kan ikkje sendast inn elektronisk, men sendast per post til:

Austevoll kommune
Helseservicekontoret
Birkelandsvegen 2
5392 Storebø

Individuell plan (IP) er eit tilbod til deg som mottek hjelp frå to eller fleire instansar, og som har behov for koordinerte tenester. Ordninga med IP er frivillig.

Sjølv om ein ikkje ønsker å få utarbeida ein individuell plan kan ein likevel be om å få oppnemnd ein koordinator. Koordinator skal sørgja for nødvendig oppfølging, samordning av tenestetilbod og framdrift i arbeidet med ein eventuell plan.

Austevoll kommune har valt å ta i bruk SamPro som verktøy for individuell plan. Deltakarane i ei ansvarsgruppe kan logga seg inn i verktøyet på internett, lesa planen og bidra til planarbeidet same kor ein oppheld seg uavhengig kor dei befinn seg. Planeigar skal saman med koordinator avklara kven andre som skal ha tilgang til planen. For born og unge er det føresette som er med å bestemma innhaldet i planen.

Når planen er sett i verk, vil ein få tildelt brukarnamn og passord.

Kommunen skal innhente naudsynte opplysningar for å handsame søknaden. Naudsynte opplysningar kan vere uttale frå lege eller andre og heimebesøk med IPLOS registrering. Ut frå innhenta informasjon vert det fatta einskildvedtak. I vedtaket finn du grunngjevinga for avgjersla.

Kommunen skal handsame søknaden så snart som mogeleg. Dersom saka ikkje kan handsamast innan ein månad, skal du ha skriftlig varsel om dette. Du skal også få informasjon om kvar tid det kan forventast at saka er ferdig handsama.

Du kan klage på vedtaket. Det må klagast innan ein frist på fire veker frå du mottok vedtaket. I klaga  må du grunngje kvifor du ikkje er nøgd med vedtaket og kvifor du meiner vedtaket bør endrast. Dersom du treng rettleiing til å klage, kan du vende deg til helseservicekontoret som vil hjelpe deg med dette.  Ved ei klage, handsamar kommunen saka på nytt. Om vedtaket vert oppretthaldt, vert saka sendt til Fylkesmannen som tek endeleg avgjersle i saka.

Lov om pasient- og brukerrettigheter § 2-5 Rett til individuell plan

Pasient og bruker som har behov for langvarige og koordinerte helse- og omsorgstjenester, har rett til å få utarbeidet individuell plan i samsvar med bestemmelsene i helse- og omsorgstjenesteloven, spesialisthelsetjenesteloven og lov om etablering og gjennomføring av psykisk helsevern.

Lov om kommunale helse- og omsorgstjenester § 7-1 Individuell plan

Kommunen skal utarbeide en individuell plan for pasienter og brukere med behov for langvarige og koordinerte tjenester etter loven her. Kommunen skal samarbeide med andre tjenesteytere om planen for å bidra til et helhetlig tilbud for den enkelte.

Dersom en pasient eller bruker har behov for tilbud både etter loven her og spesialisthelsetjenesteloven eller psykisk helsevernloven, skal kommunen sørge for at det blir utarbeidet en individuell plan, og at planarbeidet koordineres.

Departementet kan i forskrift gi nærmere bestemmelser om hvilke pasient- og brukergrupper plikten omfatter, og stille krav til planens innhold.

Psykisk helsevernlova § 4-1 Individuell plan

Institusjonen skal utarbeide en individuell plan for pasienter med behov for langvarige og koordinerte tilbud. Institusjonen skal samarbeide med andre tjenesteytere om planen for å bidra til et helhetlig tilbud for pasientene.

Dersom en person har behov for tilbud både etter loven her og etter helse- og omsorgstjenesteloven, skal kommunen sørge for at arbeidet med planen settes i gang og koordineres. Institusjonen skal så snart som mulig varsle kommunen når den ser at det er behov for en individuell plan som også omfatter kommunale helse- og omsorgstjenester, og skal i slike tilfeller medvirke i kommunens arbeid med individuell plan.