Du kan ringe oss, senda brev eller e-post. For å vere sikker på at du treff på oss på kontoret er det lurt å laga avtale på førehand.

Her kan du laste ned meldingsskjema.

Du kan velje å vera anonym.

Barneverntenesta ønsker helst at du seier kven du er, for det kan gjere saka truverdig. Offentlege meldarar som skular, barnehage, politi, lege og liknande kan ikkje vere anonyme.

Desse har meldeplikt.

Meldinga blir gjennomgått innan ei veke. Akuttsaker blir avgjort straks.

Barnevernet vil starta ei undersøking eller henlegga melding dersom den er åpenbart grunnlaus.

Ei undersøking skal gjennomførast snarast og seinast innan tre månader. Undersøkinga skal vere tilpassa saka si alvorligheitsgrad, stå i forhold til innhaldet i meldinga og ivareta barnet sitt beste.

Dersom undersøkinga gir grunnlag for hjelpetiltak, skal barneverntenesta sette i verk tiltak etter lova.

Barnevernstenesta jobbar etter lov om barnevern.