Skulehelsetenesta

Austevoll kommune har tre helsesjukepleiarar som jobbar i skulehelsetenesta, med fast trefftid på dei ulike skulane.

I trefftida har helsesjukepleiar «open dør», det vil seie at helsesjukepleiar er tilgjengeleg for at elevar, lærarar og føresette kan ta kontakt, utan å bestille time på førehand. Ta gjerne kontakt dersom det er noko du ynskjer å ta opp.

I tillegg til det generelle tilbodet til alle elevar vert det utført målretta helseundersøkingar av enkelte elevar ut i frå meldte/ observerte behov. Det vert også arbeida i grupper med elevane om ulike tema. Helsesjukepleiar samarbeider med skule, psykolog for barn og unge, PPT, fysioterapeut, lege og barnevern etter samtykkje frå føresette.

Kvifor driv vi skulehelseteneste?

Skulehelsetenesta er eit lovpålagt tilbod til alle barn, unge og deira føresette, og er ein del av kommunens folkehelsearbeid.

Tenesta skal fremje psykisk og fysisk helse, samt gode sosiale og miljømessige forhold.
Tenesta skal førebygge sjukdomar og skader gjennom rettleiing, helseundersøkingar, vaksinering, oppfylgjing og tilvising vidare ved behov.
Skulehelsetenesta skal vere eit lågterskeltilbod som det er enkelt å oppsøkje, der ein vert teken på alvor med sine små og store helseproblem.
Gjennom å satse på styrking av den psykiske helsa gjennom å leggje til rette for oppleving av meistring, god sjølvkjensle, menneskeverd, tryggleik og respekt.

Helseopplysning i skulen

Det er viktig med eit tett samarbeid mellom barn, føresette, skule og helsesjukepleiar for å kunne arbeide førebyggande for å skapa eit best mogeleg oppvekstmiljø for elevane. Skulehelsetenesta sitt arbeid kan gå føre seg individuelt, i klasse eller gruppe på skulen. Det individretta arbeidet i skulehelsetenesta er målretta helseundersøkingar på bestemte alderstrinn, individuell rettleiing etter "open dør" - prinsippet og oppfølging av elevar med spesielle behov. At helsepersonell er tilstade på skulen til faste tider er viktig for at elevar med fysiske eller psykososiale problem søker hjelp.

Orientering til elevar og føresette om skulehelsetenesta

Tidspunkt:	Aktuelle tema:	Undersøkingar/ vaksine:	Stad:
Skulestart- undersøking (5-6 år)	Kosthald Leggjetider - søvn Skuleveg/ ulykker/ skader TV/ videobruk Sosialt nettverk Utvikling og røyrsle Foreldreinformasjon om syn	Høgde Vekt Hørselstest Undersøkjing av lege	Helsestasjon
1. trinn	Zippy`s venner:-identifisera og snakke om følelsar-meistre dagliglivets utfordringar-støtte andre som har det vanskeleg. "Open dør"		Skule
2. trinn 3.trinn	Informasjon om vaksine Eigenomsorg Hygiene Kosthald Matpakke Ulykker - skader Sosialt Nettverk - skulemiljø Fysisk aktivitet Eventuelt vidareføring eller oppstart av Zippy`s venner "Open dør" Høgde og vekt målingar Skule	Vaksine mot difteri, kikhoste, stivkrampe, polio	Helsestasjon/Skule
4.trinn 5. trinn	Kosthald "Psykologisk førstehjelpskrin" Pubertetsundervisning		Skule
6. trinn	Informasjon om vaksine Informasjon om vold og overgrep "Open dør"	Vaksine mot meslingar, kusma, raude hundar	Skule
7. trinn	Informasjon om vaksine "Open dør"	Vaksine mot HPV (kan førebygge livmorhalskreft) 2. dosar.	Skule
8. trinn	Undervisning om psykisk helse. Informasjon om høgde/ vekt Måling Individuelle helsesamtaler, bruk av helsesirkel. Psykisk helse Kosthald Tobakk - rus "Open dør"	Høgde/vekt	Skule
9. trinn	Undervisning om seksuell helse "Open dør"		Skule
10. trinn	Informasjon om vaksine "Open dør"	Vaksine mot polio, stivkrampe, difteri og kikhoste.	Skule
VG 1	VIP - Veiledning og informasjon om psykisk helse hos ungdom. Ruste ungdommene til å ta betre vare på eigen helse og gjere dei i stand til å søke hjelp ved behov. Målretta helsesamtale "Open dør" Informasjon om vaksine	Vaksine mot smittsam hjernehinne betennelse (Meningokokk sjukdom).	Skule
VG2	Målretta helsesamtale "Open dør"		Skule