I Austevoll har vi ein sjukeheim, Austevoll pleie- og omsorgssenter (PO-senteret) på Storebø. Her skal bebuarar og pårørande kjenne tryggleik og tillit. Som bebuar har du rettar som er forankra i norsk lov. Dette skal sikre deg tilrettelagt pleie og behandling ut frå individuelle behov.

På PO-senteret arbeidar sjukepleiarar, hjelpepleiarar, omsorgsarbeidarar, assistentar, kjøkkenpersonell, reinhaldarar, kultur- og aktivitetsarbeidarar, administrasjon og vaktmeister. PO-senteret har også tilsynslege, fysioterapeut og ergoterapeut som kjem på besøk kvar veke.

Kvar bebuar har sitt eige rom som er tilknytta ei avdeling med åtte til ti bebuarar. Kvart rom har eige bad, og er rundt 20 kvm. Det er ei fellesstove og eigen atriumshage i kvar avdeling. I tillegg har huset eit selskapslokale og ein butikk (Krambua) som er felles for alle. Det er i hovudsak i desse lokala alle fellesarrangement vert haldne.

Kultur- og aktivitetsavdelinga ved Austevoll pleie- og omsorgssenter lagar aktivitetar i og utanfor huset. Målet for avdelinga er å auke trivnad for bebuarar. Nokre aktivitetar blir tilpassa aktivitetar individuelt, det er fleire fellesarrangement kvar veke, og i tillegg er det ein del tilstellingar som inviterer lokalsamfunnet inn.

Bebuarar og pårørande får ein kultur- og aktivitetsplan kvar månad, og denne inneheld arrangement og tilbod som for eksempel kafé, krambua, songstund, barvogn, kino, seniortreff, velvære, frisør, fotpleie, og mykje anna. Det er eigne lokale for frisør og fotpleie (desse kjem ein dag kvar tredje veke).  Pleie- og omsorgssenteret har òg eit velværerom med ulike eksterne tilbod.

Brukarrådet er eit råd som skal sjå til at bebuarane sine interesser og rettar vert ivaretekne. Rådet er set saman av ein bebuar, pårøranderepresentant(ar), leiar for eldrerådet i kommunen og leiinga for tenestene. Nye bebuarar får brosjyre med kontaktinformasjon.

Austevoll pleie- og omsorgssenter (PO-senteret) har trådlaust Internett (IKTNH-gjest) på nesten alle avdelingar på PO-senteret. Kode for gratis internett får du ved å bestille på SMS.

For å logge seg på IKTNH-gjest, går du først inn på "innstillinger". 

• Trykker på "tilkoblinger". Slår på WiFi-en.
• Trykker på WiFi, sånn at ein kjem inn på lista over alle WiFi-ar.
• Trykker på nettet som heiter "IKTNH-gjest" (og "koble til" om du får opp at du må trykke på det).
• Skriv inn mobilnummeret du vil at koden skal sendast til, i feltet under "ditt telefonnummer".
• Huk av boksen ved "Godta generelle betingelser", for å kunne kople deg til. Blir ikkje betingelsane godtatt vil du ikkje kunne kopla deg til.
• Trykk "Send meg kode"
• Skriv inn koden du er blitt tilsendt, og trykk "Gi meg Wifi".
• Du skal nå vere tilkopla gjestenettet til IKTNH.

Resepsjon telefon 55 08 15 04

Avdelingar

A/B: Lyngheia og Fjellglytt telefon 55 08 15 25 og 55 08 15 29 (døgnope)

C/D: Bergknappen og Myrtun telefon 55 08 15 38 og 55 08 15 39

E: Engtun telefon 55 08 15 71

F: Fagertun telefon 55 08 15 72

Tilsette

Iren Storebø Melingen, pleie- og omsorgssjef telefon 55 08 15 02 og mobil 90 07 37 58

Kjersti Søderberg, fagleiar telefon 55 08 15 03 og mobil 95 74 24 86

• Anne Marie Njåstad, teamleiar telefon 55 08 15 51 og mobil 99 48 82 42
• Isabell Halstensen Heggen, teamleiar telefon 55 08 15 52 og mobil 97 65 31 44
• Laila Kalvenes, teamleiar telefon 55 08 15 52 og mobil 97 65 31 44
• Sissel Fagerbakke, kultur- og aktivitetsleiar telefon 55 08 15 17