Klage på pleie- og omsorgstenesterLytt til tekstenStopp avspillingHar du fått avslag på ei pleie-og omsorgsteneste du meiner å ha rett på, kan du klage. Vi går gjennom vedtaket på nytt og ser om det bør endrast. Om vedtaket ikkje vert endra etter handsaming , vert klagen sendt vidare til Fylkesmannen i Hordaland som avgjer saka. Publisert av Liv Janne Klepsvik Publisert 13.06.2018 13.44 Klage på pleie- og omsorgstenester Klage på tenesta Om du er misnøgd med ei helseteneste du får, til dømes på sjukeheim, bør du først vende deg munnleg eller skriftleg til leiar ved avdelinga. Ver tydeleg på kva du er misnøgd med og kva du ønsker å endre. Når dei som utfører tenesta får klagen din, må dei undersøke saka og endre tilbodet dersom det ikkje er godt nok. Fører ikkje klagen fram, må du sjølv sende ein skriftleg klage til Statsforvaltaren som gjer ei vurdering av saka. Les meir om klageadgang Får du medhald i klagen kan Statsforvaltaren starte ei tilsynssak. Avdekker dei feil må desse utbetrast. Får du ikkje medhald frå Statsforvaltaren er neste klageinstans Sivilombodsmannen. Hjelp til å klage Treng du hjelp til å klage, kan du ta kontakt med Austevoll kommune, 55 08 10 00. Du kan også ta kontakt med Pasient og brukarombodet Hordaland. Dei hjelper deg med spørsmål om helsetenester og gir råd og rettleiing om rettar du har som pasient. Kontaktinformasjon telefon 55 21 80 90. Regelverk Helse- og omsorgstjenesteloven Lov om pasient- og brukerrettigheter