Kommunen skal sørge for at den omsorgstrengande sitt samla hjelpebehov blir dekka, men det er kommunen som i utgangspunktet vel kva for form hjelpa skal ha. Kommunen skal tilby anna hjelp som dekker omsorgsbehovet, når dette er vurdert som det beste for den omsorgstrengande, eller at det er betre bruk av kommunen sine ressursar.
Omfanget blir rekna ut frå omsorgsbelastning, der andre offentlege tiltak går til frådrag, for eksempel hjelpestønad. Det skal vere søkt hjelpestønad frå NAV før ein søker omsorgsstønad, og vedtak/avslag på dette leggast ved søknaden om omsorgsstønad.
Omsorgsstønad blir stoppa når omsorgsarbeidet opphøyrer, som ved avlastningsopphald eller kortidsopphald i sjukeheim. Den som mottar omsorgsstønad pliktar å informere kommunen i slike tilfelle.
Omsorgsstønaden blir vurdert på ny ved endring av andre tenester/offentlege tilbod.
Ordninga med omsorgsstønad tek ikkje sikte på å gje dei som har særleg tyngande omsorgsarbeid full lønn for dei timane dei arbeider.
Omsorgsløn skal berre unntaksvis tildelast omsorgsgjevar for barn under skulealder.
Inntektstap er ikkje eit vilkår for å få omsorgsløn. Det vil seie at kommunen ikkje skal ta stilling til søkar sin økonomi i vurderinga av omsorgsløn. Inntektstap er ikkje eit vilkår for å få omsorgsløn.
I Austevoll kommune vert omsorgsstønad gjeven frå ein til ti timar per veke, og timetal blir tildelt etter vurdering av tildelingskriteria.
Timesats blir avgjort av kommunestyret kvart år.