RusomsorgLytt til tekstenStopp avspillingHar du utfordringar med rus kan du få hjelp frå rustenesta. Du kan få råd, rettleiing og oppfølging om du har behov for det. Publisert 09.03.2023 11.03 Sist endra 04.04.2023 15.18 Treng du akutt hjelp? Ta kontakt med legevakta: 116117 Er du bekymra for nokon? Ta gjerne kontakt med oss for råd og rettleiing. Rustenesta har og ansvar for å sette i verk tvangsinnlegging i dei tilfelle det er fare for liv og helse, med heimel i helse- og omsorgstenesteloven § 10-2 og § 10-3. Kven kan få tilbodet? Vaksne over 18 år som treng råd, rettleiing og oppfølging knytt til rus. Du kan også kontakte oss dersom du er under 18 år, men då vil oppfølginga bli i samarbeid med pårørande og andre instansar. Kva kan vi tilby? råd og rettleiing utlevering av brukarutstyr hjelp til å lage ein kriseplan endringsfokusert rådgjeving og oppfølgingssamtaler hjelp til å få kontakt med andre teneste hjelp til å opprette, koordinere og delta i ansvarsgruppe tilvising til rusbehandling/ og eller oppfølging etter behandling tilvising til legemiddelassistert rehabilitering (LAR) pårøranderettleiing nettverkstilbod til pårørande Kor kan eg få meir informasjon? Du kan ta direkte kontakt med oss på telefon eller e-post. Rustenesta har arbeidstid på dagtid måndag til fredag og er ikkje ei akutt- eller døgnteneste. Har du akutt problem kan du ta kontakt med legevakta: 116117 Rustelefonen telefon 800 33 321 Er du pårørande? Pårørande kan og ta kontakt for råd og rettleiing, eller tilvising til oppfølging for pårørande i Helse Bergen. Dersom pårørande skal ha kontakt med Helse Bergen si avdeling for rusmedisin (AFR), må pårørande ha tilvising frå lege. Klage og lovgrunnlag Dersom du er misnøgd med vedtaket, kan du klage til kommunen innan fire veker frå du mottek brevet. Forklar kva du er misnøgd med, og kvifor du meiner at vedtaket bør endrast. Dersom kommunen lar vedtaket stå, blir saka sendt vidare til Statsforvaltaren, som avgjer om klagen skal takast til følgje. Send klaga til: Austevoll kommune Psykisk helse og rus Birkelandsvegen 2 5392 Storebø Lovgrunnlag Lov om kommunal helse- og omsorgstenester § 3-2 Forvaltningsloven Pasient- og brukerrettighetsloven