For å jobbe som støttekontakt må du vere over 18 år. Du må levere politiattest og skrive under på teiepliktskjema. Søk elektronisk og vi tek kontakt med deg for eit intervju:

Søk om å bli støttekontakt

Me oppfordrar særleg menn til å søkje, men det er også behov for kvinnelege støttekontaktar. Me treng støttekontaktar i alle aldrar.  

Du må ha fylt 18 år og snakke godt norsk.

Det er ikkje krav om formell utdanning for å bli støttekontakt, men det er ein føresetnad at du er personleg eigna, du må vere ansvarsbevisst og ha gode samarbeidsevner.

Andre eigenskapar som er viktig er blant anna å vere engasjert, flink til å lytte, tolmodig, ha forståing for andre sine behov og reaksjonar, kunne sette grenser og ha eit ope sinn.

Det er behov for støttekontakt til ulike personar med ulike behov, og for tida det er mellom anna behov for støttekontaktar med kunnskapar om teiknspråk/alternativ supplerande kommunikasjon (ASK).

Det er ønskeleg at du har sertifikat og disponerer bil.

Dei som treng støttekontakt er like ulike som alle andre. Tenestemottakar kan ha ei funksjonshemming, ein sjukdom eller anna, og har behov for støtte for å ha ei meiningsfull fritid.
Det er individuelt kva som vert opplevd som ei meiningsfull fritid, men det er viktig at tenestemottakar og støttekontakt kan gjere noko saman, som til dømes:

- Sportslege aktivitetar eller leik
- Turar rundt om i Austevoll
- Kunst og kultur opplevingar
- Kafébesøk
- Natur-opplevingar

Som støttekontakt kan du vere ein brubyggjar som opnar mogelegheiter for andre menneske.

180 kroner per time. Du får kilometergodtgjering dersom du har tenestemottakar med deg i bilen din.

Utgiftsdekning til støttekontakten sine utgifter for inntil 400 kroner per månad ved innlevering av kvitteringar.