Gjennom midlar til bygdahus og lokalmiljø ynskjer Austevoll kommune å gje økonomisk støtte til at grenda- og samfunnshusa i kommunen blir tatt vare på. Det er satt av 150 000 kroner til formålet.
Det er mogleg å søke om tilskot avgrensa opp til den totale ramma som er satt av.
Det er ikkje eit krav, men det blir oppmoda om at tilskotet det blir søkt ikkje er meir enn halvparten av det totale finansieringsbehovet.
Kven kan søke
Organisasjonar og lag som eig eller har vedlikehaldsansvar for bygdehus kan søka om tilskot.
Med bygdahus meinast bygningar eller lokale der føremålet er samfunnsnyttig, og der aktiviteten i hovudsak har frivillig og ikkje finansiell karakter. Tilskot kan bli gjeve til utbetring av heile eller delar av bygningsmassen, og fastmontert inventar.
Kriteria for å søke midlar til bygdahus og lokalmiljø
Midlane er særleg retta inn mot utbetringar av ein storleik der søkjar og øy- og bygdesamfunnet ikkje klarer å bere kostnadane åleine, og der tilskot frå kommunen blir rekna for å vere avgjerande for å gjennomføre utbetringa.
Søkar som får tildelt midlar i 2024 skal rapportere til kommunen innan 28.02.2025 om prosjektet sitt.
Søknaden må innehalde
- Oversikt over styret og kontaktinformasjon til leiaren i organisasjonen/laget
- Brukargrupper av lokala og aktivitetsnivå
- Kort skildring av prosjektet og utbetringa/-ane som skal gjerast
- Budsjett
- Søknadsbeløp
- Overslag over kostnadar og finansiering, andre kommunale- fylkeskommunale- eller statlege tilskot som er søkt om eller motteke til det gjeldande prosjekt
- Organisasjonsnummer
- Kontonummer
Saksgang
Midlar til bygdahus og lokalmiljø kan berre tildelast lag som har søkt innan fristen.
Austevoll kulturråd skal komma med uttale til utval for oppvekst, skule og kultur om søknadane.
Utval for oppvekst, skule og kultur har fått delegert mynde til å fatta vedtak om tilskot, og kan endra søknadsfristen dersom utvalet finn dette hensiktsmessig.
Klagefrist er tre veker frå søkaren har motteke meldinga om vedtaket.
Rapportering
Søkar som får tildelt midlar i 2024 skal rapportere til kommunen innan 28.02.2025.
Rapport skal synleggjere korleis kommunalt tilskot er nytta. Legg gjerne ved bilete frå aktivitet/tiltak.
Vi minnar om at rapporteringsfrist for dei som fekk tildelt midlar i 2023 er 29.02.2024.
Søk om midlar til bygdahus og lokalmiljø her (lenkje til elektronisk skjema)