Tilskot til lokale kulturbygg
Tilskot til lokale kulturbygg skal vere med på å etablere eigna lokale, bygningar og utearena som gjev rom for ulik kulturell verksemd i Hordaland. Tilskotet er ein del av spelemidlane frå Norsk Tipping og vert fordelt frå Kulturdepartementet til fylkeskommunane.
Publisert 31.10.2019 11.24
Sist endra 17.03.2023 14.27
Alle ikkje-kommersielle, demokratisk oppbygde organisasjonar. Vedtekter må vere godkjende.
Offentlege instansar:
- Kommunar
- Kommunale føretak
Frivillige organisasjonar
- Lag
- Foreiningar
- Stiftingar
- Samvirkeføretak (SA), samvirkelag og andre selskap med avgrensa ansvar (BA)
Institusjonar
Aksjeselskap
Det er eit grunnleggjande prinsipp at tilskot i form av spelemidlar ikkje skal danne grunnlag for fortenestebaserte eigeformer eller dannast om til forteneste for private eigarar. Går eit kulturbygg med overskot skal overskotet nyttast til vidare drift eller vidare investering i kulturbygget.
Lokale det vert søkt støtte til må vere planlagd ut frå definerte behov og bør vere fleksible. Kulturbygg bør lokaliserast sentralt i lokalsamfunnet eller regionen. Bygningane skal i størst mogleg grad fungere som kulturelle møtestader for alle grupper.
Lokala skal vere opne for all lovleg kulturverksemd. Ingen må stengast ute av religiøse, sosiale eller politiske omsyn.
Ein kan søkje om 1/3 av total godkjend kostnad på prosjektet. Nedre grense for total, godkjend kostnadsramme er 150 000 kroner. Minste tilskotssum er då 50 000 kroner. For kulturarenaer der fleire separate kulturfunksjonar inngår, vert det høve til å sende inntil tre ulike søknadar om tilskot.
- Send inn søknad om spelemidlar innan 15. februar.
- Søknaden blir politisk handsama i løpet av mars.
- Kommunen sender inn søknad til fylkeskommunen i månadsskifte april/mai.
- Søknaden blir handsama i fylke i juni.
- Ved ei eventuell tildeling blir tilskotet utbetalt påfølgjande haust.