Søskenmoderasjon

Du får 30 % reduksjon av pris for barn nr. 2.
For det tredje barnet og eventuelt fleire barn er det gratis barnehageplass.

Det er to moderasjonsordningar for familiar eller hushald med låg inntekt, redusert foreldrebetaling og gratis kjernetid for 2-, 3, 4- og 5 åringar. 

Slik søkjer du om redusert foreldrebetaling/gratis kjernetid (PDF, 2 MB)

Til og med juni 2024 er foreldrebetalinga kr 3000 per månad for 100 % plass. 

Frå 1. august 2024 er foreldrebetalinga kr 1500 per månad for 100 % plass.
Familiar med låg betalingsevne kan søka om redusert foreldrebetaling slik at foreldrebetalinga ikkje utgjer meir enn 6 % av samla skattbar inntekt i hushaldninga. 

Felles for ordningane:

Foreldrebetalinga skal reknast ut frå hushaldet si samla skattepliktige kapital- og personinntekt. Dette gjeld både for ordninga med reduksjon i foreldrebetalinga og ordninga med gratis kjernetid.

Som eit hushald blir rekna ektefeller, registrerte partnarar og sambuarar.

Som sambuarar blir rekna:

• to ugifte personer over 18 år som bur saman, og som har budd saman i eit ekteskapsliknande forhold i minst 12 av dei siste 18 månadene
   
• eller har felles barn

Bur eit barn fast hos begge foreldra, skal foreldrebetalinga reknast ut frå inntekta i hushaldet der barnet er folkeregistrert.

Vilkår

1. Familien må ha barnehageplass i offentleg godkjent barnehage, og vera busett og folkeregistrert i Austevoll kommune.
    
2. Inntektene til husstanden må vera lågare enn ei av dei to ordningane.

Inntekter må den som søker dokumentera for alle føresette i hushaldet.

Vedtak om redusert foreldrebetaling gir deg fritak for 20 timar per veke (av en heil plass på 45 timar per veke) frå august det året barnet fyller 2 år, og til 3-, 4- og 5-åringar i familier med ei inntekt under inntektsgrensa.

Frå august 2024: Familiar med samla personinntekt under 642 700 kroner kan søkje om fritak for betaling 20 timar per veke for 2,- 3-, 4- og 5-åringar, og barn som har utsett skulestart. 
For barnehageåret 2024-25 gjeld dette barn som er fødd i 2019, 2020, 2021 og 2022.

Du må dokumentera hushaldninga si samla person- og kapitalinntekt ved å senda inn siste tilgjengelege Skattemelding (ikkje skatteoppgjer). 

Vi ønsker at føresette søkjer om gratis kjernetid for barnehageåret 2024-2025 når dei har motteke skattemelding 2023. For dei fleste kom denne i mars/april 2024.

Dersom det er endringar i beløp frå siste skattemelding eller eit beløp manglar i skattemeldinga, er du som søkjar pliktig til å opplysa om og dokumentera dette når du søker. Søknaden gjeld for maksimalt eitt barnehageår om gangen. 

Slik søkjer du om gratis kjernetid i barnehage (PDF, 2 MB)
 

Søk om gratis kjernetid

Søknaden blir avvist om kommunen ikkje får nødvendig dokumentasjon.

Foreldrebetaling i barnehage i Austevoll kommune blir redusert frå 3000 kroner til 1500 kroner frå 1. august 2024. Dette inneber at det er færre som har rett til redusert foreldrebetaling.

Familiar med lågare samla inntekt enn 275 000 kroner har rett til å søka til kommunen om redusert pris. 

Hushaldninga si samla skattbare person- og kapitalinntekt skal leggast til grunn. Inntekta må dokumenterast med siste tilgjengelege Skattemelding (ikkje skatteoppgjer).

Vi ønsker at føresette søker om redusert foreldrebetaling for barnehageåret 2024-2025 når dei har motteke skattemelding 2023. For dei fleste kom denne i mars/april 2024.

Vi gjer merksam på at vi ikkje kan behandle søknader før vi har dokumentasjon på alle vaksne i hushaldninga.

Dersom det er endringar i beløp frå siste skattemelding eller eit beløp manglar i skattemeldinga, er du som søkar pliktig til å opplysa og dokumentera dette når du søker. Søknaden gjeld for maksimalt eitt barnehageår om gangen.

Slik søkjer du om redusert foreldrebetaling i barnehage  (PDF, 2 MB) 
 

Søk om redusert foreldrebetaling

Søknaden blir avvist om kommunen ikkje får nødvendig dokumentasjon.

Dokumentasjon er i utgangspunktet siste tilgjengelege skattemelding frå siste år. (Heile skattemeldinga)

Vi ønsker at føresette søker om redusert foreldrebetaling for barnehageåret 2024-2025 når dei har motteke skattemelding 2023. For dei fleste kjem denne i mars/april 2024.

Kommunen har ikkje tilgang til å gjere direkteoppslag hos Skatteetaten, du må legge nødvendig dokumentasjon ved søknaden, alternativt må du ettersende den eller levere den på servicekontoret.

Er det vesentlege endringar som ikkje kjem fram i skattemeldinga, skal du legge ved annan dokumentasjon som:

• For arbeidstakarar: arbeidsinntekt/kopi av lønslipp.
• For sjølvstendig næringsdrivande: stadfesting frå rekneskapsførar/revisor på venta inntekt.
• For arbeidsledige: kopi av siste utbetaling frå NAV.
• For studentar: kopi av studentbevis – stadfesting av studieplass.
• For flyktningar: dokumentasjon på skattbar inntekt, døme introløn.
• Ev. annan relevant dokumentasjon.

Som personinntekt vert rekna:

• Ytingar frå NAV
• Sjukepengar eller arbeidsavklaringspengar
• Uføretrygd
• Dagpengar
• Introløn
• Stønad som einsleg forsytar
• Etterlattepensjon

Som kapitalinntekter vert rekna:

• Fast eigedom
• Renteinntekter, fonds- og aksjeutbyte
• Gevinst ved sal av eigedom og lausøre
• Andre inntekter
• Leigeinntekter
   

Dokumentasjonen må ikkje vera eldre enn 1 månad. Familiar med vedtak om reduksjon i foreldrebetaling pliktar å melda frå om endringar i den økonomiske situasjonen. Endringane kan ha konsekvensar for vedtak som er sendt ut.
 

Søkar kan legge fram annan dokumentasjon for inntekt, eller søke undervegs i året dersom det er ei vesentleg og varig endring i inntekta til hushaldet. Med vesentleg og varig endring i inntekt er det meint stort inntektstap som følge av langtidsarbeidsledigheit, endring i hushaldet si samansetting eller liknande.

Dette kan bety at nokon kan få rett til reduksjon i foreldrebetalinga eller gratis kjernetid i løpet av barnehageåret fordi hushaldet si sammensetting blir endra. I slike tilfelle tek kommunen imot søknader undervegs i året, men i dei fleste tilfelle framleis med skattemelding som dokumentasjon.

Det kan også bety at inntekta på skattemeldinga ikkje gjenspeglar inntektssituasjonen slik den er inneverande år. Dette kan vere klart allerede når barnehageåret startar i august, eller det kan skje ei endring i inntektssituasjonen undervegs i barnehageåret. Det blir då føreteke ei skjønsmessig vurdering av kva dokumentasjon som trengst og korleis foreldrebetalinga skal reknast ut, på lik linje som ein vurderer inntekt  for dei som ikke har skattemelding. For dei som får ei vesentleg og varig endring i inntekt underveg i barnehageåret, vil kommunen ta imot søknader fortløpande.

Austevoll kommune tar ei skjønsvurdering ved fastsetjing av foreldrebetaling.

Vedtak blir gjort for gjeldande barnehageår. Vedtaket har ikkje tilbakeverkande kraft. Iverksetjing er frå første betalingsmånad etter at vedtaket er fatta.

Sakshandsaming og klagerett er i tråd med krav i forvaltningslova.

I ferietida kan det ta noko lenger tid å få svar på søknad.

Som forelder har du krav på frådrag for dokumenterte utgifter til barn i barnehage som du bur saman med.

Barnehagar er pliktige til å rapportera inn betaling for barnehageopphald til Skatteetaten.
Innrapportert beløp frå barnehagen vil visast som førehandsutfylt beløp i skattemeldinga i post 3.2.10.

Skatteetaten har meir informasjon om reglar for skattefrådrag for barnepass