Barn og elevar vert vanlegvis tilvist frå barnehage eller skule i samråd med føresette. Om du som føresett har eit barn du meiner ikkje har tilfredsstillande utbytte av den ordinære opplæringa i skulen, eller har omfattande utfordringar i barnehagen, bør du først ta ein samtale med barnehagen eller skulen for å få deira vurdering.

Elevar over 15 år, føresette og vaksne kan òg sjølv ta kontakt med PPT for informasjon og vurdering av behov for hjelp frå PPT.

Barnehagar og skular kan ikkje tilvisa til PP-tenesta utan samtykkje frå føresette.

Les meir om PPT, spesialpedagogisk hjelp og spesialundervisning

Barnehagar, skular og føresette kan søka om hjelp frå PPT. 

Årsaker til tilvisning til PPT kan vera mange og samansette:

• Mistanke om forseinka utvikling
• Språk- og kommunikasjonsvanskar
• Lærevanskar
• Fagvanskar
• Konsentrasjons- og  merksemdsvanskar
• Åtferdsvanskar
• Sosiale og emosjonelle vanskar
• Funksjonshemming
• Syn- og høyrselsvanskar

Vidaregåande skular har eiga opplæringsteneste.

PPT skal vera tett på barnehagar og skular, og det skal vera låg terskel for både konsultasjon og rettleiing. Konsultasjon kan vera anonym, men skal helst vera avklart med føresette.

Ved behov for konsultasjon eller rettleiing der vi observerer eller på anna måte møter barnet eller eleven direkte, må vi ha ei tilvising. Tilvisinga bør drøftast med aktuell fagperson på førehand.

PPT startar utgreiing etter at saka er vurdert og tatt inn. PPT bygger på informasjon frå føresette, barnehage eller skule. Testing og observasjon vert òg ein del av vurderinga. PPT får då eit bilete av den einskilde sine styrkar, utfordringar, vanskar og behov for tilrettelegging.

Konklusjonen kan anten vera at barnet eller eleven sitt behov kan dekkjast innanfor det ordinære tilbodet, eller PPT kan tilrå spesialpedagogisk hjelp i barnehage eller spesialundervisning i skulen. Vi kan òg vurdera vidare tilvising til ulike instansar.

PPT skal hjelpa barnehagar og skular med utviklingsarbeid. Dette skjer mellom anna gjennom kontaktmøte, kurs og foredrag, konsultasjon eller direkte rådgjeving.  PPT kan hjelpa i situasjonar med utfordrande klassemiljø eller utfordringar på ei avdeling i ein barnehage.

Styrar i barnehage og rektor på skulen kan tilvisa ved behov for hjelp til utviklingsarbeid.

Tilvising for hjelp til utviklingsarbeid i barnehage eller skule (.docx))LENKE)

Barnehage

Etter samtykke frå familien kan PPT samarbeide med:

• Barnehage
• Skule
• Helsestasjon
• Fastlege
• Psykisk helse
• Psykolog
• Fysioterapeut
• Barnevern
• Helseservicekontoret
• Andre instansar ved behov

Utdanningsdirektoratet om spesialundervising

Spesialundervising på fleire språk- skule

Spesialundervising på fleire språk- barnehage

Opplæringslova

Saksgang ved bekymring (barnehage)

Saksgang ved bekymring (skule)

PPT sine oppgåver og mandat er heimla i

Opplæringslova kapittel 5

Barnehagelova kapitte 7