AustevollpakkenLytt til tekstenStopp avspillingI samarbeid med Vestland fylkeskommune pågår planlegging av vegutbetringar i Austevoll. Publisert 13.01.2021 16.42 Sist endra 08.12.2021 17.06 Sjølv om planlegginga av Austevollpakken har kome langt, så er det enno ikkje gjort vedtak i fylkestinget og kommunestyret om å sette i gang utbygging. I ei slik sak vil ein også ta stilling til finansiering og prioritering av utbetringsprosjekta. Tidslinje 15.12.2016 Austevoll kommunestyre vedtar at det skal utarbeidast ei samferdselsutgreiing. Utgreiinga skal vurdere behov for tiltak, prioriteringar, finansieringsalternativ og tilråding om vidare arbeid for å utbetre vegnettet i Austevoll. Les saka her. I budsjettet som blei vedtatt i det same møtet blei det sett av 150.000 kroner til å utgreiingsarbeidet i 2017. 14.06.2017 Hordaland fylkesting vedtar regional transportplan 2018-2029 (RTP) som opnar for bompengepakke i Austevoll for tiltak på fylkesvegnettet. 14.12.2017 Austevoll kommunestyre løyver kr 500.000 til planleggingsarbeid for Austevollpakken i 2018. 12.12.2018 Hordaland fylkesting vedtar investeringsprogrammet for fylkesvegnettet som omtalar Austevollspakken. 17.12.2019 Statens vegvesen leverer oppdatert kostnadsoverslag for vegstrekningar i Austevoll kommune. 20.02.2020 Austevoll kommunestyre behandlar førebels samferdselsutgreiing og vedtar at det ikkje er aktuelt å finansiere vegutbetringar med å auke prisen på ferja med bompengar. Kommunestyret vedtar også at kommunen skal overta oppgåva med å utarbeide reguleringsplan for fv 546 Storebøvegen for fylkeskommunen. 29.09.2020 Vestland fylkesutval vedtar å søke om 10 millionar kroner frå Samferdselsdepartementet for å utbetre fv 546 Bjellandsvegen. Ordninga det blir søkt om midlar frå føreset 15 millionar kroner i fylkeskommunale medfinansiering. 11.11.2020 Austevoll kommune vedtar oppstart av reguleringsplan for fv 546 Storebøvegen. 25.11.2020 Vestland hovudutval for samferdsel og mobilitet løyver 300.000 kroner til planleggingsmidlar til Austevollpakken. 08.12.2020 Samferdselsdepartementet innvilgar søknaden om utbetring av fv 546. 17.12.2020 Austevoll kommunestyre løyver 1 million kroner til utarbeiding av reguleringsplanar for fv 546 og 5138 mellom Solesvik og Fagerbakkevågen, og fv 5142 Mjåsund bru i Torangsvåg med tilkomstvegar. 12.01.2021 Fylkesdirektøren orienterer hovudutval for samferdsel og mobilitet om Austevollpakken. 25.02.2021 Austevoll kommunestyre behandlar sak om Austevollspakken og avtale med Vestland fylkeskommune. 16.06.2021 Vestland fylkesting behandlar sak om Austevollpakken og vedtar at fylkeskommunen er positiv til eit spleiselag med Austevoll kommune og at finansiering skal vurderast i samband med budsjett 2022 og økonomiplan 2022-2025. 24.08.2021 Reguleringsplan for utbetring av fv 546 Storebøvegen blir vedtatt lagt på høyring. 08.12.2021 Gruppeleiarane i kommunestyret og ordførar gjennomfører drøftingsmøte om Austevollpakken i forkant av forhandlingsmøte med Vestland fylkeskommune.