Dersom du driv ein serveringsstad med serveringsløyve og ønsker å servere alkoholhaldig drikke, må du søkje om skjenkeløyve. Skjenkeløyvet vert gitt for fire år om gongen.
Publisert av Liv Janne Klepsvik
Publisert 28.05.2018 14.02
For kvart løyve skal det utpeikast ein styrar og ein avløysar. Begge må ha bestått kunnskapsprøva om alkohollova, vere over 20 år, arbeide i den aktuelle verksemda og elles oppfylle krava til vandel i alkohollova og serveringslova.
Alle som vil bli godkjent som dagleg leiar/styrar ved stader som har eller skal søkje om skjenke- og serveringsløyve, må ha avlagt og bestått etablererprøva. Desse vedlegga må følgje med søknaden om skjenkeløyve:
- Firmaattest
- Skatteattest for driftsselskapet
- Adkomstdokument (leigekontrakt eller anna dokument som stadfestar at du disponerer lokalet til det bruk som det vert søkt om).
- Teikning av inneareal der skjenkeareala er skravert.
- Teikning/plan for uteserveringa, med grunneigar si godkjenning påteikna.
- Vitnemål som stadfestar at styrar og avløysar har bestått kunnskapsprøve om alkohollova.
- Stadfesting av at dagleg leiar har bestått etablererprøva.
- Tilsettingsbevis/dokumentasjon som viser styrar og avløysar si tilknyting til serveringsstaden.
Dersom det skjer endringar i drifta, i løpet av dei fire åra salsløyvet gjeld, til dømes skifte av styrar og avløysar eller endring i eigartilhøva krev vi ofte ny godkjenning eller nytt løyve.
Dersom verksemda vert overdratt til andre, fell salsløyvet vekk dersom det ikkje blir søkt om endring/nytt løyve innan 30 dagar etter overtaking.
Alle som har eit sals-/skjenkeløyve må betale eit årleg gebyr til kommunen, jamfør alkoholloven § 7-1. Prisen/gebyret for sals- og skjenkeløyvet blir rekna ut på grunnlag av forventa årleg omsett mengde alkoholhaldig drikk.
Meld frå om alkoholomsetting elektronisk