Søknad om redusert foreldrebetaling i SFO

Det er lurt å finna fram fødselnummer for alle føresette og barn og lasta ned skattemelding for siste år før du startar utfylling av skjemaet.
Fødselnummer (11 siffer) på barn og vaksne i hushaldninga må du fylle ut.

Skattemeldinga og annan dokumentasjon på inntekt skal du legge ved søknaden. Alternativt kan du sende dette per brev til Austevoll kommune, Birkelandsvegen 2, 5392 Storebø så raskt som mogleg etter at søknad er sendt inn.

Dersom det er endring i inntekt i forhold til skattemelding, må du dokumentera denne endringa og forventa inntekt framover. Denne dokumentasjonen kan også lastast opp/sendast inn.

Hugs at også enkelte ytingar frå NAV er skattepliktige og skal dokumenterast.

Opphald i haust-og vinterferie, siste veka i juni og vekene i august før skulestart, må føresette søka om.
Gebyr ved for sein henting er kr 250.- pr påbegynt time.
Betaling vert fakturert på etterskot.
Det er 10 betalingsterminar og det blir sendt ut faktura i september til og med juni med forfall månaden etter.
Ved spørsmål om betaling og faktura i SFO, ta kontakt med leiinga ved skulen.

Frå 1. august 2019 kan du søkje om redusert foreldrebetaling i SFO.

Maksimalpris for redusert foreldrebetaling er 25 % lågare enn for eksisterande maksimalpris i SFO for heil- og redusert plass. Søskenmoderasjon for barn 2 er 25 % og barn 3 med fleire er 50 %. Det er 10 betalingsmånader i året. Vedtak om nedsett foreldrebetaling gir også barna moglegheit til å bruke SFO i haust- og vinterferien, etter skuleslutt i juni fram til 30. juni og frå 1. august til skulestart utan ekstra betaling. Ingen familiar betaler meir enn 6 % av inntekta til SFO.

Foreldrebetalinga skal reknast ut frå hushaldet si samla skattepliktige kapital- og personinntekt.

Som eit hushald blir rekna ektefeller, registrerte partnarar og sambuarar.

Som sambuarar blir rekna:

• to ugifte personer over 18 år som bur saman, og som har budd saman i eit ekteskapsliknande forhold i minst 12 av dei siste 18 månadene
   
• eller har felles barn

Bur eit barn fast hos begge foreldra, skal foreldrebetalinga reknast ut frå inntekta i hushaldet der barnet er folkeregistrert.

Vilkår

1. Familien må gå på skule og vera busett og folkeregistrert i Austevoll kommune.
    
2. Inntektene til husstanden må vera lågare enn ei av dei to ordningane.

Inntekter må dokumenterast.

Du kan søka til kommunen om redusert pris.

Vedtak i kommunestyret 03.09.2020 i sak 123/20:

1. Ingen familiar skal betale meir enn 6 % av den samla inntekta for ein SFO plass

• Berekningsgrunnlag for fastsetting av inntektsgrensa: (Vedteken sats *10 betalingsmånader/6*100)
• Familiar med samla inntekt under inntektsgrensa får generert forebetaling differensiert ut frå inntekt. Modellen som genererer foreldrebetalinga er den same som for redusert foreldrebetaling i barnehage.
• Det er 25 % søskenmoderasjon for barn nr. 2 i ein familie
• Det er 50 % søskenmoderasjon for barn nr. 3 eller fleire i ein familie
• Familiar med samla inntekt over inntektsgrensa betalar vedtekne satsar

2. Redusert foreldrebetaling gjeld for elevar på 1.-4. trinn.

3. Gratis SFO for elevar på 5.-7. trinn med særskilte behov.

4. Barn med foreldre i introduksjonsprogrammet får gratis SFO, finansiert av integreringstilskot.

5. Barn med vedtak om nedsett foreldrebetaling, og barn med foreldre i introduksjonsprogrammet, får rett til å bruke SFO i haust- og vinterferien, etter skuleslutt i juni fram til 30. juni og frå 1. august til skulestart utan ekstra kostnad.

Hushaldninga si samla skattbare person- og kapitalinntekt skal leggast til grunn. Inntekta må dokumenterast med siste tilgjengelege Skattemelding (ikkje skatteoppgjer)..

Dersom det er endringar i beløp frå siste skattemelding eller eit beløp manglar i skattemeldinga, er du som søkar pliktig til å opplysa og dokumentera dette når du søker. Søknaden gjeld for maksimalt skuleår om gangen.

Søk om redusert foreldrebetaling 

Dokumentasjon er siste tilgjengelege skattemelding frå siste år. (Heile skattemeldinga)

Er det vesentlege endringar som ikkje syner i skattemeldinga, skal du leggja ved annan dokumentasjon som:

• For arbeidstakarar: arbeidsinntekt/kopi av lønslipp.
• For sjølvstendig næringsdrivande: stadfesting frå rekneskapsførar/revisor på venta inntekt.
• For arbeidsledige: kopi av siste utbetaling frå NAV.
• For studentar: kopi av studentbevis – stadfesting av studieplass.
• Ev. annan relevant dokumentasjon.

Som personinntekt vert rekna:

• Ytingar frå NAV
• Sjukepengar eller arbeidsavklaringspengar
• Uføretrygd
• Dagpengar
• Stønad som einsleg forsytar
• Etterlattepensjon

Som kapitalinntekter vert rekna:

• Fast eigedom
• Renteinntekter, fonds- og aksjeutbyte
• Gevinst ved sal av eigedom og lausøre
• Andre inntekter
• Leigeinntekter

Dokumentasjonen må ikkje vera eldre enn 1 månad. Hushaldningar med vedtak om reduksjon i foreldrebetaling pliktar å melda frå om endringar i den økonomiske situasjonen. Endringane kan ha konsekvensar for vedtak som er sendt ut.
 

Søkjar kan leggje fram annan dokumentasjon for inntekt, eller søkje undervegs i året dersom det er ei vesentleg og varig endring i inntekta til hushaldet. Med vesentleg og varig endring i inntekt er det meint stort inntektstap som følgje av langtidsarbeidsløyse, endring i hushaldet si samansetting eller liknande.

Dette kan bety at nokon kan få rett til reduksjon i foreldrebetalinga i løpet av skuleåret fordi hushaldet si sammensetting blir endra. I slike tilfelle tek kommunen imot søknader undervegs i året, men i dei fleste tilfelle framleis med skattemelding som dokumentasjon.

Det kan også vera slik at inntekta på skattemeldinga ikkje gjenspeglar inntektssituasjonen slik den er inneverande år. Dette kan vere klart allerede når skuleåret startar i august, eller det kan skje ei endring i inntektssituasjonen undervegs i skuleåret. Det blir då føreteke ei skjønsmessig vurdering av kva dokumentasjon som trengst og korleis foreldrebetalinga skal reknast ut, på lik linje som ein vurderer inntekt  for dei som ikke har skattemelding. For dei som får ei vesentleg og varig endring i inntekt underveg i skuleåret, vil kommunen ta imot søknader fortløpande.

Austevoll kommune tar ei skjønsvurdering ved fastsetjing av foreldrebetaling.

Vedtak blir gjort for eitt skuleår om gongen og vil gjelde frå første heile månad etter at  søknaden er motteke. Vedtaket har elles ikkje tilbakeverkande kraft.

Sakshandsaming og klagerett er i tråd med krav i Forvaltningslova.

I ferietida kan det ta noko lenger tid å få svar på søknad.

Som forelder har du krav på frådrag for dokumenterte utgifter til barn i SFO som du bur saman med.

Austevoll kommune er pliktig til å rapportera inn betaling for SFO opphald til Skatteetaten.
Innrapportert beløp for SFO kan du sjå som førehandsutfylt beløp i skattemeldinga i post 3.2.10.

Skatteetaten har meir informasjon om reglar for skattefrådrag for barnepass