Skulestart 2020 Austevoll kommune

Velkommen til oppstart av nytt skuleår for alle elevar i grunnskulen
mandag 17. august 2020

SFO ved barneskulane er open. 

Kulturskulen har oppstartsamlingar 17. og 18. august. Nærare informasjon her:

Informasjon om nytt kulturskuleår.

(Sjå og utsendt e-post!)

Vi ønskjer alle eit lærerikt skuleår!

Barna startar vanlegvis i grunnskulen det kalenderåret dei fyller 6 år.

Alle som er registrert i folkeregisteret i Austevoll kommune, vil på vinteren før skulestart få tilsendt innskrivingsbrev frå den skulen barnet høyrer til – nærskulen. Dersom du ikkje har motteke eit slikt brev, må du ta kontakt med nærskulen.

Dersom foreldre søkjer om det eller samtykker, kan kommunen etter sakkunnig vurdering la eit barn ta til på skulen eitt år før når det innan 1. april har fylt 5 år.

Dersom du ønskjer å få vurdert om barnet bør utsetja skulestarten eller å få vurdert om barnet ditt er kome langt nok i utvikling til å begynna på skulen, ta kontakt med PPT (pedagogisk psykologisk teneste).

PPT skriv sakkunnig vurdering, og Austevoll kommune gjer eit grunngitt vedtak.

Søknadsfrist: 1.mars det året barnet fyller 5 år.

Det er viktig å ta kontakt med PPT i god tid før søknadsfristen.

Rett og plikt til grunnskuleopplæring varar til eleven har fullført sitt tiande skuleår. Etter sakkunnig vurdering og med skriftleg samtykke frå foreldra kan kommunen heilt eller delvis vedta å frita ein elev for opplæringsplikta dersom omsynet til eleven tilseier det.
PPT må vurdera om det er til beste for eleven å verta friteken. Dette følgjer av opplæringslova §2-1, fjerde ledd.

Slik søkjer du:
Dersom du ønskjer å få vurdert om særlege omsyn talar for at eleven heilt eller delvis bør fritakast frå opplæringa, kontakt PPT.

Når PPT har skrive ei sakkunnig vurdering om dette, kan du senda ein grunngitt søknad til kommunen. Den sakkunnige vurderinga må vera vedlagt søknaden.

Når søknaden er vurdert vil du motta eit grunngitt vedtak. Her kjem det fram informasjon om klagerett.