Presentasjon av prosjektet i Stord kommune:

Tysdag 09.november var Birthe Blokhus, einingsleiar for førebyggjande tenester i Stord kommune, på vitjing i Austevoll for å snakke om implementering av BTI og korleis dei hadde jobba med det.

Stord kommune har arbeid med med Tidleg Oppdagin/Tidleg Innsats sidan 2012.

Møte med Arbeidsgruppene.

Møte 26.oktober og 2.november.

Agenda

1. Lage ein møteplan/framdriftsplan
2. Presentasjon av arbeidsoppgåvene
   1. Formålet med prosjektet
   2. Målene i prosessen
   3. Aktiviteter og møtepunkt
   4. Kartlegging på eining

3.september hadde prosjektet kickoff i "Løo" med alle einingar representert, samt KoRus.

Målet var å gje alle ei betre forståing for arbeidet med å samordne einingar og prosessar i kommunen.

Frå oppsummeringa av kickoff og tilbakemeldingane, vart det ein del tema som merka seg ut.

Det er 3 tema som utmerkar seg, som også er samanfallande med tilbakemeldingane frå undersøkinga(KoRus).

1. Samhandling/Overgangar
2. Bekymring til Handling
3. Kompetanse (På kort og lengre sikt)

Vidare arbeid vart å sette opp arbeidsgrupper for punkt 1 & 2.

Tilsette i kommunen og frå dei private barnehagane var positive til å sitte i arbeidsgruppene, og styringsgruppa kunne gå i gong med å sette opp møteplan og kalle inn til første møte med arbeidsgruppene. Av mål for arbeidsgruppene, var det viktig at arbeidsgruppene fekk breiast mogleg fagleg tyngde, og at det vidare arbeidet var forankra i arbeidet ut på kvar einskild eining.

Målet er at arbeidet skal vere overkommeleg, og prosjektleiar vil vere med på alle møte, for å hjelpe til med framdrifta i arbeidet.

8.juni vart kartlegginga presentert av KoRus for leiarar, tilsette, tillitsvalde og politikarar.

Dette vart gjort via Teams, grunna Covid-19.

Austevoll kommune har no fått mykje informasjon som vi skal arbeide vidare med.

Frå tildelingsbrevet i desember 2020 frå Bufdir, har Austevoll kommune hatt 6 månader på seg til å gjennomføre ei kartlegging og rapportere tilbake.

Vi kom i mål, og rapporteringa er godkjent.

Den endelege rapporten av kartlegginga vart presentert for styringsgruppa.

Rapporten vart sendt styringsgruppa, som inneholdt råmaterialet og utval gjort av KoRus.

KoRus vest Bergen (Kompetansesenter rus – region vest Bergen) vil på vegne av Austevoll kommune gjennomføre undersøkinga. Føremålet med kartlegginga er å få oversikt over områder innan tverrfagleg innsats/samhandling som vi bør utvikla vidare slik at utsette barn og unge får rett hjelp til rett tid. Kartlegginga skal få fram tilsette si eigenvurdering av:

• kunnskap og kompetanse på fagspesifikke område som rus, psykisk helsa, vald etc.
• handlingskompetanse i møte med utsette barn og unge og handtering av bekymring
• regelverk og rutinar rundt samarbeid og samhandling
• samarbeid- og samhandlingserfaring
• erfaringar med å involvera foreldre og barn/brukarinvolvering

Kartlegginga vart ferdig mai 2021.

Møte med blant anna Bufdir:

• Presentasjon frå Austevoll, Stad, Tysnes og Ulvik.
• Presentasjon frå Buf.dir. (m.a. regelverk, kunnskapsgrunnlag, kriterier for måloppnåing)
• Kompetansesenter Rus vest Bergen om kartlegging, prosjektmandat, kva er KoRus si rolle.
• Info frå Regionalt kunnskapssenter for barn og unge (RKBU vest) og Ressurssenter om vald, traumatisk stress og sjølvmordsførebygging (RVTS vest)

Vegen vidare 

NOTAT TIL POLITISK NIVÅ

Mottakarar:

• Råda
• Politikarane

Informasjon om arbeidet med «Systematisk identifikasjon og oppfølging av utsette barn og unge»

«Tidleg oppdaging – tidleg oppfølging»

Etter søknad om prosjektmidlar fekk vi i desember 2020 tilskott frå BUFDIR til prosjektet «Tidleg identifisering og oppfølging av utsette barn og unge».  Satsinga er eit ledd i kvalitetsarbeidet «Tidleg innsats og førebyggjande folkehelsearbeid» som er politisk vedteken. Satsinga må sjåast opp mot  den kommande barnevernsreforma 2022/oppvekstreforma, og andre pågåande satsingar i kommunen. Kvalitetsarbeidet er viktig og relevant for å stå godt rusta i arbeidet med nasjonal fagleg retningsline, helsedirektoratet. Saman skal vi t.d. bli betre på samhandling, tidleg oppdaging og oppfølging av utsette barn og unge. Prosjektet vil gå over 2 år og vil  involvere alle tenesteområda som er i direkte og/eller indirekte kontakt med barn og unge.

Mars 2021 vart det tilsett prosjektleiar for "Tidleg innsats – Linjo i Austevoll".

Åsmund Aasebø er tilsett som prosjektleiar i 50%-stilling.

25. mars vart  «La Linea» presentert for oppvekst og kultur.

«La Linea» er ein portal under arbeid som skal vise kommunen sine samla satsingar og tiltak innan tidleg innsats og førebygging. Her får ein informajson om tiltak, kven som er ansvarleg for tiltaket, kva tenester som er involvert i tiltaket og ein får lett tilgong til informasjon og forskning.

Modulen vil vere i kontinuerleg endring.

• Kommunen får eit samla bilete av våre tiltak og satsingar
• Tenesteområda sine tiltak og satsingar vert synleggjort
• Evalueringar i modulen skal kunne avdekke om tiltaka er tilstrekkeleg målretta
• Oversikta skal kunne vise kommunen om tiltak manglar
• Kommunen får eit godt besluttningsgrunnlag i val av nye tiltak

Det er eit mål å publisere ein publikumsversjon, som skal vere tilgjengeleg hausten 2021.

Austevoll kommune ynskjer å involvere private einingar, som Montessori og private barnehagar, for å vere aktive deltakarar i arbeidet med tidleg oppdaging og tidleg tiltak.

Private einingar er udelt positive til eit tettare samarbeid med Austevoll kommune.

Prosjektet "Tidleg innsats – Linjo i Austevoll" skal tilsette prosjektleiar for prosjektet, og vil bli fulgt opp av styringsgruppa.

Styringsgruppa består av:

• Liv Margareth Østervold (Kommunalsjef oppvekst)
• Gro Kalvenes (Kommunalsjef helse og velferd)
• Jan Steinar Urdahl (Psykolog)

Barne-, ungdoms- og familiedirektoratet og KoRus inviterer til «formelt» startmøte.

Bufdir fokuserer på informasjon om bakgrunnen for dagens tilskotsordning, kunnskapsgrunnlaget og gjennomgang av målkriterium. Vidare vil Bufdir seia noko om kvifor dette utviklingsarbeidet er viktig, og føremålet med ein heilskapleg samhandlingsmodell for å fanga opp tidleg utsette barn og deira familie og gi dei en heilskapleg oppfølging.

KoRus koordinerer det regionale arbeidet og oppfølginga rundt denne tilskotsordninga, og vi vil fortelja litt om kva vi kan tilby i m.a. forhold til kartlegging og rettleiing.

I dette samarbeidsorganet er det fleire kommunar i Vestland fylke deltakarar:

• Austevoll kommune
• Tysnes kommune
• Stad kommune
• Ulvik kommune

Etter søknad om prosjektmidlar fekk Austevoll kommune i desember 2020 tilskott frå BUFDIR, kr 950.000, til prosjektet «Tidleg identifisering og oppfølging av utsette barn og unge». Satsinga er eit ledd i arbeidet med «Tidleg innsats og førebyggjande folkehelsearbeid»(politisk vedteken). Satsinga må sjåast opp mot  den kommande barnevernsreforma 2022, oppvekstreforma, og andre pågåande satsingar i kommunen. Det kommande kvalitetsarbeidet er viktig og relevant for oss. Saman skal vi t.d. bli betre på samhandling, tidleg oppdaging og oppfølging av utsette barn og unge. Prosjektet vil gå over 2 år og vil involvere alle tenesteområda som er i direkte og/eller indirekte kontakt med barn og unge.

Meir informasjon om nasjonal fagleg retningsline, helsedirektoratet

Målsettinga med møtet var å undersøke om det var stemning for å søke om prosjektmidlar til prosjektet "Tilskudd til systematisk identifikasjon og oppfølging av utsatte barn".

Les meir om tilskotet her: Tilskudd til systematisk identifikasjon og oppfølging av utsatte barn (bufdir.no)

Tilbakemeldinga var positiv og søknad vart sendt.