Dato: Onsdag den 14. juni

Klokkeslett: 17.00-18.30

Stad: Kantina på kommunehuset, Storebøportalen, Storebø.

Agenda

• Danna styret til Austevoll kulturråd
• Vedta forslag til vedtekter

For ei tid tilbake blei det etablert eit interimstyre for Austevoll kulturråd. Fram til no har interimsstyret laga eit forslag til vedtekter for Austevoll kulturråd og definert at kulturrådet vil delast inn i 4 område:

• Utøvande kunst – Musikk, dans, teater
• Produserande kunst – kunsthandverk, visuell kunst og media
• Formidlande kunst – Litteratur og kulturarv
• Andre aktørar

Interimsstyret har utarbeida forslag til vedtekter der føremålet for Austevoll kulturråd er å synleggjere kva behov kulturlivet har for lokale, utstyr og generelle rammevilkår. Rådet skal vera kommunen sitt fagråd for kulturfeltet. Det skal vera høyrings-/uttaleinstans i politiske saker som gjeld kulturlivet og sikra god samordning og kommunikasjon mellom kommune og kulturfeltet. Kulturrådet skal sikra at breidda i kulturlivet blir teken vare på og løfta fram.

På møte den 14. juni skal det stiftast eit styre for Austevoll kulturråd.

Kjenn du att ditt fagfelt innan kultur oppmodar interimsstyret deg til å møte opp.