Store snømengder og auka vind i dag og fram til laurdag
Det er meldt store snømengder og vind fram til laurdag. Denne kombinasjonen kan føre til problem med å kome seg fram på vegane våre. Kommunen har derfor hatt beredskapsmøte for å gjennomgå rutinar for korleis vi skal handtere dette.
Publisert 18.01.2024 14.55
Sist endra 18.01.2024 14.55
Fylkesvegane blir brøyta som normalt. Det er sett inn ekstra brøytemannskap for brøyting av kommunale vegar.
Brann- og redningstenesta og helsetenesta oppmodar alle til å ikkje parkere bilane i eller langs vegen slik at dei kjem seg fram for å gjere jobben sin.
Vi ber alle innbyggarane om å køyre med varsemd og ta omsyn til kvarandre. Tenk over om du treng å bruke bilen og om du kan hjelpe naboen med noko i dag og dagane som kjem.
Politi, Austevoll kraftlag og Austevoll vatn og avløp melder at dei vurderer situasjonen time for time.